Wednesday, January 26, 2022

U akuzua se ia ka marrë një tjetër të dashur Bora Zemanit, Semi Jaupaj flet për herë të parë pas largimit nga BBV: Jam lënduar tmerrësisht shumë


Në fillim të Big Brother VIP në shtëpinë më të famshme në Shqipëri u diskutua mjaft shumë raporti i këngëtares Semi Jaupaj dhe prezantuesit Donald Veshaj.

Madje nga jashtë është thënë se ata të dy janë më shumë se miq, përkundër se një gjë e tillë u mohua nga vet protagonistët.

Një deklaratë për këtë e bëri edhe gazetarja e opinionistja shqiptare, Iva Tiço, e cila tha se marrëdhënia e dyshes nuk është për t’u habitur, meqë Semi ia kishte marrë një të dashur tjetër Borës, para disa viteve.

Iva Tiço dhe Semi Jaupaj (Foto: YouTube)

Lidhur me këtë, Semi dhe Iva kanë pasur një përballje direkt në ‘Fan Club’ pas daljes nga BBV ku artistja tha se kjo është e vetmja gjë që ka parë dhe se ndihet shumë e lënduar.

“Mendoj që një gazetare profesioniste nuk duhet kurrsesi të thotë gjëra të pavërteta. E vetmja gjë që kam parë është kjo, e vetmja gjë që më ka prekur ka qenë kjo historia dhe realisht jam ndjerë shumë e shqetësuar. Kam parë një video rreth dy minuta e pak që t’i thoje si gazetare kam dëgjuar që Semi i ka marrë një të dashur tjetër Borës kohë përpar. Gjithsesi të kishe pak më shumë informacion dhe nuk dua të kaloj më në dramë se kjo gjë ka kaluar. Do doja të më kërkoje mua falje”.

Semi Jaupaj (Foto: YouTube)

“Realisht prindërit e mi kanë qenë të tmerruar nga kjo gjëja. Unë kam qenë 17 vjeçe kur kam njoh Bojkenin dhe jam ndarë para dy vitesh, kështu që nuk e di 12 vjeç e gjysmë nëse ia kam marrë të dashurin Borës. Thjesht jam lënduar tmerrësisht shumë duke qenë se ishte një gjë e pavërtetë dhe e pavend. Nuk e di se çfarë të them tjetër. Prindërit e mi dhe familja ime e kishin pritur shumë keq”, u shpreh Jaupaj.

Kujtojmë që Semi dhe Bora Zemani janë mike të ngushta për më shumë se 15 vite. /Telegrafi/

Lajmet e fundit
MARKETING I PAGUAR POLITIK