Wednesday, June 29, 2022

Rita Ora e lumtur sa më s’ka në krahët e partnerit – çifti kthehen sërish në qytetin ku u dashuruan


Ata filluan të takoheshin në mars pas njohjes në Sydney.

Dhe Rita Ora dhe Taika Waititi janë rikthyer sërish në qytetin ku u dashuruan, shkruan DailyMail.

Çifti dolën për një natë takimi në restorantin “Chiswick” në Woollahra të enjten, menjëherë pas përfundimit të karantinës në shtëpi.

Këngëtarja shqiptaro-britanike, 31 vjeçe, dukej elegante me një veshje prej dy pjesësh me një fund të zi të çarë nga kofshët dhe një bluzë të shkurtër.

Ajo e kompletoi veshjen e saj me një xhaketë lëkure dhe i fshiu kapi flokët e saj në stilin topuz.

Regjisori Taika, 46 vjeç, kishte veshur një këmishë blu të lyer me bojë të vendosur mbi një këmishë tjetër ngjyrë bezhë, të cilën e kombinoi me pantallona të zeza.

Çifti besohet se kanë fluturuar për në Sydney diku javën e kaluar dhe kaluan kohë në karantinë në shtëpi pas mbërritjes së tyre në përputhje me rregullat e COVID-19.

Ata u panë në karantinë të mërkurën në një postim në Instagram të shpërndarë nga trajneri personal i Ritës, Jono Castano, i cili po i udhëhiqte ata gjatë një seance trajnimi në ‘Zoom’.

Rita ndodhet në Australi për të xhiruar “The Voice: Generations” dhe sezonin tjetër kryesor të “The Voice Australia”, i cili fillon prodhimin këtë fundjavë.

I dashuri i saj Kiwi gjithashtu përflitet se do të vazhdojë punën në disa filma të ardhshëm, duke përfshirë “Thor: Love and Thunder”, i cili është në fazën e post-produksionit.

Rita dhe Taika thuhet se po ecin kaq shpejt në marrëdhënien e tyre saqë kanë filluar të diskutojnë martesën, tha një burim për New Idea në gusht.

“Taika e quan Ritën ‘grua’ gjatë gjithë kohës dhe bisedon se si ai do të jetë burri i saj i parë dhe i fundit”, tha burimi i brendshëm.

“Të gjithë rreth tyre e minimizojnë atë si shaka flirti, por [Rita] padyshim shpreson se ai është i vërteti”, vazhdoi burimi, duke shtuar se ylli i “Hot Right Now” është “absolutisht r fiksuar” pas të dashurit të saj fitues të çmimit ‘Oscar’.

Rita thuhet se ka filluar të bëjë shaka për martesën në një ceremoni kaliforniane ‘të shpejtë, hipi-dipi’, dhe më pas të festojë me një festë më të madhe në një datë të mëvonshme.

Taika ka qenë i martuar më parë me producenten e filmave, Chelsea Winstanley, por dyshja besohet se janë ndarë në heshtje në vitin 2018.

Dyshja kanë së bashku dy vajza: Te Hinekāhu dhe Matewa Kiritapu.

Rita i tha The Kyle and Jackie O Show më 19 gusht i dukej se ishte në ‘një vend shumë të lumtur’ me Taikën.

Ajo u takua me regjisorin fitues të çmimit “Oscar” në Australi në shkurt ndërsa po xhironte “The Voice Australia”.

Një burim i tha The Sun se dyshja filluan të takoheshin ‘fshehurazi’ në fillim të marsit, tre muaj para se ajo të largohej nga Australia për në Los Angeles në fillim të qershorit.

“Të gjithë miqtë e tyre e dinë për marrëdhënien – ata janë vërtet të dashuruar me njëri-tjetrin”, tha një burim i brendshëm në atë kohë.

Rita dhe Taika bën debutimin e tyre si çift në tapetin e kuq në premierën e “The Suicide Squad” më 2 gusht në Los Angeles. /Telegrafi/

Lajmet e fundit