Sunday, December 5, 2021

Përfundojnë xhirimet e filmit “Pritja” që pasqyron jetën e nënës Ferdonije Qerkezi


Kanë përfunduar me sukses xhirimet e filmit të metrazhit të shkurtër “Pritja”.

“Pritja”, i mbështetur nga Qendra Kinematografike e Kosovës dhe Komuna e Gjakovës, pasqyron një ditë rutinë gjatë pritjes të gjatë të nënës Ferdonije Qerkezi.

Filmi, me skenar dhe regji të Artan Korenicës, së fundmi u bë e ditur se ka mbaruar xhirimet në bazë të një njoftimi të bërë nga aktori Edi Kastrati.

Edi Kastrati (Foto: Facebook)

Ai ka falënderuar të gjithë ata që kontribuuan në këtë projekt duke theksuar se mund të shohin edhe një ekspozitë me fotografi.

Ky është postimi i plotë i aktorit Edi Kastrati (pa ndërhyrje):

“Me sukses përfunduan xhirimet e filmit të metrazhit të shkurtër, mbeshtetur nga Qendra Kinematografike e Kosoves dhe Komuna E Gjakovës, me skenar dhe regji të. Artan Korenica.

Filmi pasqyron një ditë rutinë gjatë pritjes së gjatë të nënës Ferdonije Qerkezi, interpretuar nga aktorja Arta Mucaj, filmi është pjesë e projektit “PRITJA” ku në kuader të projektit të përgjitjshëm, shikuesit do të kenë mundësi të shohin edhe ekspoziten me fotografi nga disa familjarë të cilët akoma po e presin një lajm të vetëm.

Falenderojmë ONIMA dhe gjithë ata që ndihmuan dhe përkrahen këtë projekt”. /Telegrafi/

Lajmet e fundit
MARKETING I PAGUAR POLITIK