Tuesday, June 28, 2022

Ndonëse është 51-vjeçare, këngëtarja Mary J. Blige duket në formë teksa tregon pa hezitim linjat në brigjet e Miamit


Nëntë herë fituesja e çmimit “Grammy”, Mary J. Blige, shfaqi trupin e saj me bikini teksa shijonte diellin e Floridas në hotelin me pesë yje “Faena” në Miami Beach të premten.

Mbretëresha 51-vjeçare e zhanrit Hip-hop Soul kishte veshur bikini ngjyrë portokalli dhe vjollcë dhe një shami të kuqe në kokë të mbështjellë rreth flokëve të saj.

Mary zgjodhi për aksesorë një palë vathë masive në formë të rrathëve dhe dy byzylykë në kyçin e saj të majtë, shkruan DailyMail.

Blige e lindur në Bronx më pas u relaksua në një shezlon pranë një shoqeje teksa mbante një çantë të madhe të markës “Christian Dior”.

E nominuara dy herë për “Oscars” është planifikuar të kryesojë Festivalin e 15-të vjetor të xhazit “Gardens Music” në stadiumin Hard Rock në Miami Gardens të shtunën pasdite.

Më pas, Mary do të përdorë zërin e saj mezo-soprano me tre oktavë në Liv të dielën, që do të zhvillohet në Fontainebleau në Miami Beach.

Blige – e cila ka mbi 26 milionë ndjekës në rrjetet sociale – shkroi në Instagram: “Miami, unë po vij ta marr atë çantë dhe ajo çanta është e rëndë”.

Ajo u bë e përfolur për herë të fundit në mediat rozë më 20 shkurt për takimin e saj shumë të ngushtë me pronarin e Charlotte Hornets, Michael Jordan në NBA All-Star Game në Cleveland, OH.

Kur legjenda 59-vjeçar i NBA e përqafoi këngëtaren në fushën e basketbollit, momenti u bë viral në mediat sociale.

Blige ka qenë beqare që nga divorci me ish-menaxherin e saj Martin ‘Kendu’ Isaacs në vitin 2018 pas gati 13 vitesh martesë për shkak të lidhjes së tij të dyshuar me 33-vjeçare LaNeah Menzies.

“Unë jam beqare dhe tani jam mirë me këtë gjë”, tha këngëtarja e për New York Times të premten.

“Shumë njerëz nuk vijnë tek unë. Shumë njerëz ikin nga unë, sepse jam shumë e hapur. Të gjithë nuk janë gati të jenë të hapur”, deklaroi ajo.

Mary aktualisht është duke punuar në albumin e saj të 15-të me Dr. Dre.

“Është diçka që gjithmonë kam dashur ta bëj, dhe ai tha se gjithmonë donte ta bënte këtë”, tha Blige për The Breakfast Club më 17 shkurt.

“Ne e gjetëm veten duke bërë muzikë pas ‘Super Bowl’ së bashku, dhe atë që duam të bëjmë, dhe ne e kemi mbaruar atë. Po ndodh vërtetë”, tha ajo. /Telegrafi/

Lajmet e fundit