Tuesday, June 28, 2022

Djaloshi me një sindromë të rrallë të flokëve bëhet hit në Instagram


Verën e kaluar, Katelyn Samples postoi një foto të djalit të saj më të vogël, Locklan Samples, në Instagram. Pastaj një i panjohur i dërgoi asaj një mesazh. Ai pyeti nëse djali i saj në atë kohë 10-muajsh ishte diagnostikuar me sindromën e flokëve të pakrehur.

Pas kësaj, gruaja 33-vjeçare nga Roswell, Georgia filloi të shqetësohej, transmeton Telegrafi.

“Fillimisht, ju dëgjoni për ‘sindromë’ dhe pastaj shqetësohuni mos po ndodh diçka me fëmijën tim? A ka dhimbje apo diçka”, tha ajo.

Samples filloi të kërkonte në Google dhe thirri pediatrin e saj. Mjeku i tha asaj se nuk kishin dëgjuar për sindromën, por  e referoi atë te një dermatolog pediatrik.

Atje, Locklan u diagnostikua me sindromën e flokëve të pakrehur, ose UHS.

Një çrregullimi i rrallë gjenetik i boshtit të flokëve, UHS karakterizohet nga flokë të çrregullt biond të argjendtë. Flokët, nuk mund të krehën e të qëndrojnë të sheshtë, dhe sindroma shfaqet zakonisht te fëmijët nga tre deri në 12 vjeç.

Pasi djali i saj u diagnostikua me këtë sindromë, Samples hapi një llogari në Instagram @uncombable_locks, dhe publikoi fotografi të Locklan dhe të flokëve të tij.

Shtatë muaj më vonë, përdoruesit kanë shpërthyer me përkrahjet e tyre.

Samples thotë se njerëzit ndonjëherë kërkojnë të bëjnë fotografi me Locklan, duke shtuar se kjo nuk e shqetëson “për sa kohë që djali është i lumtur”. /Telegrafi/

Lajmet e fundit