Sunday, July 3, 2022

Bëhet viral momenti kur gjyqtari anësor ‘humb toruan’, hyn në fushë në ndjekje të aksionit


Një ngjarje e pazakontë ka ndodhur gjatë një ndeshje të zhvilluar në Superligën e Ganës në mes të Asante Kotoko dhe Bibiani Gold Stars.

Asante Kotoko dhe Bibiani Gold Stars u ndeshen mes vete në kuadër të javës së 20-të Ligën Premier të Ganës, ku fitore shënuan vendasit me rezultat 5-0.

Golat në këtë fitore të vendasve u shënuan nga Mfegue Omgba (32’, 35’), Augustine Agyepong (59’), Franck Mbella (80’) dhe Samuel Boateng (86’).

Megjithatë, aksioni i golit të dytë të shënuar nga Ombga ka ‘vjedhur’ gjithë vëmendjen.

Gjyqtari anësor ishte akteri kryesor i kësaj ndodhie, pasi gjatë aksionit të golit ‘humbi toruan’ dhe hyri në fushë, gati në zonën e rreptësisë, duke ndjekur aksionin.

Ky moment i gjyqtarit është bërë tashmë viral në rrjetet sociale dhe ka krijuar të qeshura për ndjekësit. /Telegrafi/

Lajmet e fundit